القرداتى والبيانولا

ديسمبر 2002

وأنا صغير فى مرحلة الحضانة ..

كان الراجل بتاع البيانولا بيعدى من تحت بيتنا

وكان معاه قرد بيعمل حركات بهلوانية ..

ويقلد عجين الفلاحة، ونوم العازب ...  

حركات قرود يعنى على أنغام البيانولا ..

وكان القرد هو اللى بيلم الفلوس من الناس فى الآخر.

طبعاً البيانولا إنقرضت .. 

والقرداتى إنقرض .. 

زى حاجات تانية كتيرة ....

لكن لما بأتخيل طبيعة العيشة اللى كانوا بيعيشوها .. 

بأقول أحسن إنهم إنقرضوا ..

كانت حياتهم صعبة جداً .....