18 ديسمبر 2011
كان المخطط أن يكون الإنسحاب الامريكى من العراق بعد سنة
فجأه وبعد الثوره المصرية .. أعلن أوباما أن الإنسحاب سيتم آخر 2011
يا ترى ليه؟
وفى هذه الأثناء ,,
إحنا بنولع فى البلد وبنشتم فى الجيش وبنسب الدين لبعض .. والجيش شغال عسكرى مرور وشغال مُحضر نفقة وشغال فى كله .. ماحدش فاضى للكلام الكبير اللى فوق .. وماحدش عاوز يفهم ولا يصدق ولا يقتنع .. وأراهن .. ان فيه ناس بيقرأوا الكلام ده دلوقت حالاً وبيضحكوا .. المهم عندهم حاجة واحدة: يسقط المشير .. ده آخرهم، وهى دى البطولة عندهم!!المهم .. وببساطة عالآخر ..
كل اللى بيحصل فى مصر حالياً من اضطرابات وعشوائية فى الشوارع وفى القرارات وفى كل شئ، وكل الإتهامات الساذجة الموجهة للجيش ولقادته .. مش ابن النهاردة .. كل اللى بيحصل مرسوم ومتخطط من زمان أوى .. ولولا غباوة مبارك .. أو بلاش غباوته، نقول عناده .. حاجات كثيرة ما كانتش حصلت .. مش بس فى مصر .. فى كل المنطقة .. يعنى بطريقة تانية، لو كان سمع كلام المعارضة من الثمانينات والتسعينات، ما كانتش أحداث كثيرة فى المنطقة كلها حصلت .. لأن مصر هى مركز كل الأحداث، وهى الهدف النهائى من كل اللى بيحصل حولنا .. يعنى لما تلاقى حاكم فاسد فى قطر، ما نستغربش لما نعرف انه وصل للحكم بسبب ضعف موقف مصر .. (لغز، مش كده؟) !!
نوصل ليناير 2011 وما بعد رحيل مبارك
الطبيعى، أن يكون الثوار هم من يحمون الثورة. لكن ما يحدث هو أن الثوار هم من يقضون على الثورة ـ بتصرفاتهم وبجهلهم وبهمجيتهم ـ والمفروض أن الجيش يكون محايداً، لكنه وجد نفسه مضطراً لحماية الثورة، وحماية البلد كلها ـ من جهل وغباء وهمجية الثوار ـ يعنى، المواضيع ماشية بالمشقلب
فى وسط الزحمة، يختلط الحابل بالنابل، ويدخل أى حد يقول ويعمل أى حاجة، وما حدش حاسس ولا حدش فاهم .. المهم كله يزعق وخلاص، واللى يزعق أكثر، يعملوه بطل وثورجى أكثر .. فتكون النتيجة، ان كثير استحلوها ولقوها فرصة عشان يبقوا بنى آدمين ومشاهير وبتاع .. فهاصت زيادة .. وهوباااااا .. فجأة .. اتغير السفير الإسرائيلى .. وما حدش أخد باله .. واتغير السفير الأمريكانى .. وما حدش أخد باله .. ووزير الدفاع الليبي الجديد قال ان مصر خطر على ليبيا (تخيلى) .. وما حدش أخد باله .. والطحن شغال فى سورية .. ويادوب، شوية أخدوا بالهم .. والأسطول السادس الأمريكى وقف على حدود المياه الإقليمية المصرية .. وما حدش أخد باله، واللى أخدوا بالهم، قالوا وإيه يعنى، مافيهاش حاجة .. والجيش الإسرائيلى تحرك بكامل قواته للحدود المصرية .. وما حدش "عاوز" ياخد باله .. والقوات الخاصة تمركز فى جنوب السودان بعد ما قسموه .. وما حدش واخد باله .. وقوات من الناتو تمركزت على حدود الصومال (مدخل باب المندب/ البحر الأحمر) .. وما حدش واخد باله .. والناحية التانية فى اليمن، شغالين حرب أهلية .. وواخدين بالهم ومطنشين .. وأمريكا حطت أكبر قاعدة عسكرية عندها فى قطر (فى الخليج العربى تحت إيران) .. وما حدش عاوز ياخد باله .. وسورية قفلت حدودها مع تركيا وحطت قوات قتالية كاملة بعمق 20 كيلومتر وأعلنتها منطقة مغلقة .. وماحدش واخد باله .. وغزة بتتعرض لقصف أسبوعياً بقالها شهرين .. وماحدش واخد باله .. وروسيا عملت تحالف إستراتيجى عسكرى مع الصين "عدوتها اللدودة" .. وما حدش فاهم ليه لازم ياخد باله (!!!)
ومصر .. !!
مصر زى الفل .. فيها شلة إعلاميين "مقدسين" لو جبت سيرة واحد منهم دلوقت، ممكن أهلى يخسرونى!! أكل عيشهم فى التسخين والشعللة، لأ وإيـــــــــــــــــــــــــــــــــــه .. نجوم وفنانين فى قدراتهم التعبيرية والتأثيرية أمام الكاميرا، وبالكلمات الرنانة التى لا تصد ولا ترد .. كلامهم بقى له مصداقية عند بعض الناس أكثر من القرآن نفسه .. (وأعنى ما أقول) .. ويا ويلك يا سواد ليلك لو نطقت حرف واحد ضدهم .. التهمة جاهزة: تبقى فلول علطول!!
مع ملاحظة ... انى لحد دلوقت، لا قلت فيه مؤامرة، ولا قلت فيه عملاء للموساد والسى أى إيه ولا حاجة خالص .. ولا قلت ان كل ما يتفقوا يعملوا خطوة مفيدة للبلد .. حد .. يولع الدنيا من أسوان لإسكندرية لماسبيرو للتحرير للبحر الأحمر .. ما قلتش أى حاجة لسه، أنا مؤدب عالآخر أهوه!!
بس بعد الصورة دى .. ياريت .. نفكر بيننا وبين نفسنا ونقول؛ إن كان فيه مخطط ضد مصر والا مافيش؟ وإن كان الجيش مسئول فعلاً عن اللى بيحصل؟ والا ناس معينة من جوه مصر هما المسئولين؟ وهل ينفع الجيش يسيب الجمل بما حمل فى الظروف دى كلها دلوقت؟ والا ما ينفعش؟؟
وتصبحون على خير ....
فجأه وبعد الثوره المصرية .. أعلن أوباما أن الإنسحاب سيتم آخر 2011
يا ترى ليه؟
وفى هذه الأثناء ,,
إحنا بنولع فى البلد وبنشتم فى الجيش وبنسب الدين لبعض .. والجيش شغال عسكرى مرور وشغال مُحضر نفقة وشغال فى كله .. ماحدش فاضى للكلام الكبير اللى فوق .. وماحدش عاوز يفهم ولا يصدق ولا يقتنع .. وأراهن .. ان فيه ناس بيقرأوا الكلام ده دلوقت حالاً وبيضحكوا .. المهم عندهم حاجة واحدة: يسقط المشير .. ده آخرهم، وهى دى البطولة عندهم!!المهم .. وببساطة عالآخر ..
كل اللى بيحصل فى مصر حالياً من اضطرابات وعشوائية فى الشوارع وفى القرارات وفى كل شئ، وكل الإتهامات الساذجة الموجهة للجيش ولقادته .. مش ابن النهاردة .. كل اللى بيحصل مرسوم ومتخطط من زمان أوى .. ولولا غباوة مبارك .. أو بلاش غباوته، نقول عناده .. حاجات كثيرة ما كانتش حصلت .. مش بس فى مصر .. فى كل المنطقة .. يعنى بطريقة تانية، لو كان سمع كلام المعارضة من الثمانينات والتسعينات، ما كانتش أحداث كثيرة فى المنطقة كلها حصلت .. لأن مصر هى مركز كل الأحداث، وهى الهدف النهائى من كل اللى بيحصل حولنا .. يعنى لما تلاقى حاكم فاسد فى قطر، ما نستغربش لما نعرف انه وصل للحكم بسبب ضعف موقف مصر .. (لغز، مش كده؟) !!
نوصل ليناير 2011 وما بعد رحيل مبارك
الطبيعى، أن يكون الثوار هم من يحمون الثورة. لكن ما يحدث هو أن الثوار هم من يقضون على الثورة ـ بتصرفاتهم وبجهلهم وبهمجيتهم ـ والمفروض أن الجيش يكون محايداً، لكنه وجد نفسه مضطراً لحماية الثورة، وحماية البلد كلها ـ من جهل وغباء وهمجية الثوار ـ يعنى، المواضيع ماشية بالمشقلب
فى وسط الزحمة، يختلط الحابل بالنابل، ويدخل أى حد يقول ويعمل أى حاجة، وما حدش حاسس ولا حدش فاهم .. المهم كله يزعق وخلاص، واللى يزعق أكثر، يعملوه بطل وثورجى أكثر .. فتكون النتيجة، ان كثير استحلوها ولقوها فرصة عشان يبقوا بنى آدمين ومشاهير وبتاع .. فهاصت زيادة .. وهوباااااا .. فجأة .. اتغير السفير الإسرائيلى .. وما حدش أخد باله .. واتغير السفير الأمريكانى .. وما حدش أخد باله .. ووزير الدفاع الليبي الجديد قال ان مصر خطر على ليبيا (تخيلى) .. وما حدش أخد باله .. والطحن شغال فى سورية .. ويادوب، شوية أخدوا بالهم .. والأسطول السادس الأمريكى وقف على حدود المياه الإقليمية المصرية .. وما حدش أخد باله، واللى أخدوا بالهم، قالوا وإيه يعنى، مافيهاش حاجة .. والجيش الإسرائيلى تحرك بكامل قواته للحدود المصرية .. وما حدش "عاوز" ياخد باله .. والقوات الخاصة تمركز فى جنوب السودان بعد ما قسموه .. وما حدش واخد باله .. وقوات من الناتو تمركزت على حدود الصومال (مدخل باب المندب/ البحر الأحمر) .. وما حدش واخد باله .. والناحية التانية فى اليمن، شغالين حرب أهلية .. وواخدين بالهم ومطنشين .. وأمريكا حطت أكبر قاعدة عسكرية عندها فى قطر (فى الخليج العربى تحت إيران) .. وما حدش عاوز ياخد باله .. وسورية قفلت حدودها مع تركيا وحطت قوات قتالية كاملة بعمق 20 كيلومتر وأعلنتها منطقة مغلقة .. وماحدش واخد باله .. وغزة بتتعرض لقصف أسبوعياً بقالها شهرين .. وماحدش واخد باله .. وروسيا عملت تحالف إستراتيجى عسكرى مع الصين "عدوتها اللدودة" .. وما حدش فاهم ليه لازم ياخد باله (!!!)
ومصر .. !!
مصر زى الفل .. فيها شلة إعلاميين "مقدسين" لو جبت سيرة واحد منهم دلوقت، ممكن أهلى يخسرونى!! أكل عيشهم فى التسخين والشعللة، لأ وإيـــــــــــــــــــــــــــــــــــه .. نجوم وفنانين فى قدراتهم التعبيرية والتأثيرية أمام الكاميرا، وبالكلمات الرنانة التى لا تصد ولا ترد .. كلامهم بقى له مصداقية عند بعض الناس أكثر من القرآن نفسه .. (وأعنى ما أقول) .. ويا ويلك يا سواد ليلك لو نطقت حرف واحد ضدهم .. التهمة جاهزة: تبقى فلول علطول!!
مع ملاحظة ... انى لحد دلوقت، لا قلت فيه مؤامرة، ولا قلت فيه عملاء للموساد والسى أى إيه ولا حاجة خالص .. ولا قلت ان كل ما يتفقوا يعملوا خطوة مفيدة للبلد .. حد .. يولع الدنيا من أسوان لإسكندرية لماسبيرو للتحرير للبحر الأحمر .. ما قلتش أى حاجة لسه، أنا مؤدب عالآخر أهوه!!
بس بعد الصورة دى .. ياريت .. نفكر بيننا وبين نفسنا ونقول؛ إن كان فيه مخطط ضد مصر والا مافيش؟ وإن كان الجيش مسئول فعلاً عن اللى بيحصل؟ والا ناس معينة من جوه مصر هما المسئولين؟ وهل ينفع الجيش يسيب الجمل بما حمل فى الظروف دى كلها دلوقت؟ والا ما ينفعش؟؟
وتصبحون على خير ....
ليست هناك تعليقات:
إرسال تعليق